وثيقة التخرج

 

أهلين ..

الأسبوع هذا قبل شهر الخير (رمضان) استلمنا وثيقة التخرج والشعور ما ينوصف قد ايه السعادة حملتنا أنا وصديقاتي يومها..

صح مو كلنا جينا في وقت واحد بس كان معايا الجميلة (أثير) وبسرعة نجري نختم أوراقنا من الصباح والله يكتب لنا أجر كل خطوة مشيناها لحد ما خلصنا تختيم وصورنا نسخ من الورقة..

روحنا بكل طاقتنا جري للوثائق واستلمناها وصار لي موقف طريف ما صدقت أخذت وثيقتي و طلعت بسرعة والناس تنادي "أفنان.. يا أفنان.." طلعت ناسية بطاقتي الجامعية ههههه الحماس وما يفعل..

وبس أخذنا الوثائق جري لوحدة الملفات وطلعنا بالمصعد وبس انفتح شووفنا طابووور انتظار -_-" ووقفنا ساعة وعليها قرابة الساعتين!!

وجات عيني (سمر) وانتظرنا وانتظرنا لحد ما دخلنا وما صدقنا وصلنا.. دققوا أوراقنا وسجلنا بياناتنا ووقعنا استلام و أخذو بطايقنا وقصوها و أدونا الصورة بس 

واحنا طالعين لقينا في الطابور باقي الحلوين (ابتهال و آلاء) و الله يعينهم كان قدامهم مشوار 

بعدها طلعنا وما أدري كيف بس فعلا فعلا سعااااااااااااااااااااااااااااااااااااااادة حقيقي كنا ننتظر هذي اللحظة وربي حقق لنا والحمد لله ما نتمنى بكل فخر قد ما تعبنا الله الكريم أعطانا،،

كنا جوعانين روحنا للمطعم و جوالي جوعان و طفا تعب معايا ما قصر

وأخذنا الطلب وطلعنا وعلى مكاننا اللي تعودنا عليه وتعود علينا 

وجات وقتها الحلوة (ولاء) و أخذت نسخة الإخلاء وبسرعة راحت تختم أوراقها، جلسنا نتكلم و رغم التعب إلا إننا لآخر لحظة انبسطنا و رجعنا البيت و على طوول نووووووم 

بداية..

بسم الله الرحمن الرحيم

اللهم صلِّ وسلِّم على الحبيب المصطفى، نبينا ورسولنا المجتبى، صاحب النور المبين نبيُّ الهدى،،

فتحت مدونات كثير وغالبا ما كنت أقفلها أو أتركها، كانت مجرد اهتمام؛ تجي فكرة حلوة و أبغى أنشرها بطريقة توصل للكل فافتح مدونة وابدأ أكتب بوست اثنين بالكثير ثلاثة، لعدة أسباب منها: انشغل بالدراسة الواجبات... إلخ، ما فيه تشجيع من أحد إنو حلو فتحتي مدونة يلا احنا بنتابعك وح نتحمس ويلا قدام، كمان ما عندي عزيمة إنو خلاص افتح و ح ألتزم ..! وبالتالي تروح المدونة ومعاها الفكرة >_<

بس..

ليا فترة أفكر بشكل جدي يكون ليا مدونة خاصة أكتب فيها يومياتي أنزل كتاباتي؛ منها أطور نفسي كمان في هذا الجانب وكذلك أنشر تصاميمي لنفس الهدف السابق، غير كذا متأكدة إن التدوين عالم ممتع جدا ^^